ಚಂದ್ರಮುಖಿ? ಭೂಮಿಮುಖಿ!

ತಂತ್ರಜ್ಞತ್ರಿಪದಿ-5 ಚಂದ್ರಮುಖಿ?  ಭೂಮಿಮುಖಿ!
ಚಂದ್ರಮುಖಿಯೆನ್ನದಿರು ಚಂದುಳ್ಳಿ ಚೆಲುವೆಯನು!
ಚಂದ್ರ ಬರಿ ಬೆಂಗಾಡು, ಸಸ್ಯಸುಂದರಿ ಭೂಮಿ,
ಚಂದ ಸವಿ ಭೂಮಿಮುಖಿ ಹೆಸರು! ತಂತ್ರಜ್ಞ.

ತಂತ್ರಜ್ಞ ತ್ರಿಪದಿ-4 ಭರತಮಾತೆ
ಮುಡಿಗೆ  ಧವಳ ಕಿರೀಟ, ಅಡಿಗೆ ರತ್ನಾಕರನು,
ಎಡಬಲದಿ ಹಸಿರುಸಿರಿ, ಬಿಲಿಯ ಸಂಖ್ಯೆಯ ಸುತರು,
ಒಡವೆಯಿದ್ದೂ ಬಡವೆ ಮಾತೆ! ತಂತ್ರಜ್ಞ.

ತಂತ್ರಜ್ಞ ತ್ರಿಪದಿ-3 ಹಸಿರು ಭೂಮಾತೆ
*************************
ಮರವ ನೋಡುವ ದೃಷ್ಟಿ- ಉರುವಲೇ? ಬರಿ ತೊಲೆಯೆ?
ಮರೆತೆಯಾ ಹೂಹಣ್ಣು ಪ್ರಾಣವಾಯುವ ಕೊಡುಗೆ?
ಸುರಮಾತೆ! ಹಸಿರು ಭೂದೇವಿ ತಂತ್ರಜ್ಞ. 

ನಿನ್ನತನ

ತಂತ್ರಜ್ಞ ತ್ರಿಪದಿ-2 ನಿನ್ನತನ 
ನಿನ್ನತನ ತೊರೆಯದಿರು ಇನ್ನಾರು ಹೇಳಿದರು,
ನಿನ್ನ ಪಾತ್ರವ ನಿನ್ನಂತೆ ಮಾಡುವರಿಲ್ಲ;
ನಿನ್ನ ಸಮ ಈ ಜಗದಿ ನೀನೆ! ತಂತ್ರಜ್ಞ.

ಹರುಷ

ತಂತ್ರಜ್ಞ ತ್ರಿಪದಿ-1 ಹರುಷ
ಹೊರಗಿಂದ ಕಡಲಿನೊಳಬರುವ ನದಿಯಂತಲ್ಲ;
ಹರುಷವಿದು ಹಿಮಗಿರಿಯ ಗೋಮುಖದ ಒಳಗಿಂದ
ಹೊರಗೆ ಹರಿಯುವ ಗಂಗೆಮೂಲ ತಂತ್ರಜ್ಞ.

ಸುಂದರ ಮನಸ್ಸು

ಚಂದ ವಿದ್ಯುನ್ಮಾನ, ಚಂದ್ರಮಂಗಳ ಯಾತ್ರೆ;
ಇಂದು ಜಗವೇ ಗ್ರಾಮ, ಗಣಕಸಂಪರ್ಕ ಬಲೆ,
ಸುಂದರಮನದ ಸುನಿರ್ಮಾಣ! ತಂತ್ರಜ್ಞ.

ಬೃಹತ್ತು ಮಹತ್ತು

ಬೃಹತ್ತಾದುದನೊಂದ ಮಹತ್ತಾದುದನೊಂದ 

ಗ್ರಹಣಮಾಡುವ ಬಯಕೆಯಿರಲು, ಹಿಂಜರಿಯದಿರು

ಬಹಳ ಪ್ರಿಯವಾದುದನು ಬಿಡಲು ತಂತ್ರಜ್ಞ.